4. november 2000 UKA 2000/22
Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisissaattut siunnersuut
pillugu
inatsisissatut siunnersuutip pingaajussaaneerneqarnissaanut Inatsisartut Niuernermut Ataatsimiititaliaata
ILASSUTITUT ISUMALIUTISSIISSUTAA
Inatsisartut Niuernermut Ataatsimiititaliaat suliarinninnermi ukuninnga inuttaqarpoq
Inatsisartuni ilaasortaq Mikael Petersen (S), siulittaasoq
Inatsisartuni ilaasortaq Malînánguaq M. Mølgaard (IA), siulittaasup tullia
Inatsisartuni ilaasortaq Tommy Marø (S)
Inatsisartuni ilaasortaq Augusta Salling (A)
Inatsisartuni ilaasortaq Mads Peter Grønvold (K)
Inatsisissatut siunnersuutip aappassaaneerneqarnerani Inatsisartut Niuernermut Ataatsimiititaliaat kaammattorneqarpoq kommunimi pineqartumi imigassanik aalakoornartortalinnik nioqquteqartarnerup sassaallertarnerullu unitsikkallarneqartarnissaannik kommunalbestyrelsit oqartussaassuseqalersitaanissaannut apeqqut suliareqqullugu.Inuussutissarsiornermut Naalakkersuisoq Niuernermut Ataatsimiititaliamut allagaqarluni ilisimatitsivoq taamatut oqartussaaffiginninnermik tunniussinissaq inatsiseqarnikkut nalinginnaasutigullu pisartut eqqarsaatigalugit ajornartorsiutitaqartoq, taamaattumillu isumaliutigilluaqqaarneqartariaqartoq. Tamatuma peqatigisaanik Naalakkersuisuni ilaasortap, apeqqutip taamaatup Naalakkersuisunit aalajangiiffigineqannginnerani, nunatsinni kommunit tusarniaavigineqartarnissaasa pisariaqartussaanera tikkuarpaa.
Tamanna tunngavigalugu Naalakkersuisuni ilaasortap siunnersuutigaa apeqqut taanna imigassanut aalakoornartortalinnut inatsiseqarnerup nutarteriffigineqarnissaanut atatillugu suliarineqassasoq.
Naalakkersuisuni ilaasortap saaffiginnissutaa ilassutitut isumaliutissiissummut matumunnga ilanngunneqarpoq.
Inatsisartut Niuernermut Ataatsimiititaliaata Naalakkersuisuni ilaasortap oqaaseqaatai isumaqatigai. Taamaammat Niuernermut Ataatsimiititaliap isumaqatigiittup inassutigaa inatsisissatut siunnersuut, inatsisissap aappassaaneerneqarnerata kingorna iluserilikkamisut, Inatsisartunit akuersissutigineqassasoq.
Mikael Petersen, Siumut
udvalgsformand
Malînánguaq M. Mølgaard, Inuit Ataqatigiit
Tommy Marø, Siumut
Augusta Salling, Atassut
Mads Peter Grønvold, Kattusseqatigiit